خطاب اوباما الموزوووووووووون لافض فوك

السلام عليكم

كانت افتتاحية اوباما وفعلا الجواب بيبان من عنوانة
مأسعدنيش الحظ انى احضر خطاب اوباما لايف لكن سعيت جدا انى ادعبس على النت لحد ما قدرت اجمعة وبجد انا مبهورة بالشخصية دى
مثقف جدا ومتحدث بارع والاكتر من دا انة ملم بالقرأن الكريم بجد شخصية تجنن من الشخصيات اللى لما تقعد قدامها تستخسر ترمش علشان متفوتش كلمة بجد مكنش خطاب اد ما كان مجموعة من المعلومات العامة القيمة جداااااااااااااااااااااااااااااا وفى حاجة كمان ملحظاها شخصيا انة خفيف على القلب يعنى ميغلبكش النوم لما يبدأ يتكلم ولا تقلب على المسلسل اللى متعاد 500مرة

الى جانب انة مكنش بيتكلم من ورق زى معظم اممممممم لا كل الرؤساء اللى بيكلفوا فلان ولافلان يكتبلهم كام ورقة ويفضلوا يقرأوا ويقرأوا وممكن يتلعثموا عادى بقى غلطة مطبعية

يعنى خطاب اوباما كان تصنيفة اقرب لمحاضرة لكنها محاضرة بجد ممتازة واكتر من ممتازة

قليل جداااااااااا او نادرا لما كنت اهتم اسمع خطاب لاى رئيس دولة ولو صادفت كنت بقلب من قول فلوسكاب لكن مكنتش متخيلة ابدا انى هبقى فى منتهى الزعل دلوقتى انة مشوفتش الخطاب وقت عرضة كان هيفرق كتير جدا مش بعيد كنت هتفت لية

رجعنا لزمااااااان ايام الله يرحمة السادات مفتكرش فى حد بعدة القى خطاب تلقائى ومهندم ومفيد زى داوباما

اعتقد الجواب بيبان من عنوانة وربنا يستر وتكون بداية خير

وفى النهاية دول جزئين من خطاب اوباما واللى عجبونى جداااااااااا





واعتقد ان فى فرق كبير واضح بين بوش واوباما

وفى النهاية سؤال مهم كدااااا وبيطرح نفسة

هل مصير العالم العربى او العالم ككل مرهون برئيس اكبر دولة فى العالم (امريكا طبعا )وبفكرة يعنى بيجب الاسلام والمسلمين يبقى نعيش عيشة فل غير كدا يبقى عليا وعلى اعدائى؟؟؟


حصل خييييييييييير ان شاء الله

باى

ونورتنا يااوباما بجد من القلب